„საკალათბურთო კლუბმა ბათუმმა“ საქართველოს სუპერლიგის მე-14 ტურის მატჩში 90:78 დაამარცხა „კსუ“. შეხვედრა საკმაოდ დაძაბული გამოდგა. ბუბა ბერიშვილის გაწვრთნილმა გუნდმა მეტოქეს უპირატესობა მხოლოდ პირველ და მესამე მეოთხედებში მოიპოვა (25:24 / 29:16).
„კსუ“-მ გამარჯვება მეორე მეოთხედში შეძლო — 18:16, ხოლო დაძაბული და დინამიკური მეოთხე მეოთხედი ფრედ, 20:20 დასრულდა.
მატჩის საუკეთესო მოთამაშე ბათუმის ლეგიონერი მაირინ ტომასი იყო. მის ანგარიშზეა 23 ქულა, სამი მოხსნა და ოთხი შედეგიანი გადაცემა. თამაშის განმავლობაში ტომასმა ეფექტურობის ინდექსით (ეფ) 26 ქულა დააგროვა.
ბექა წივწივაძის გუნდის რიგებში ყველაზე ეფექტური გაფრინდაშვილი გახლდათ – 17 ქულით, ოთხი მოხსნით, ორი პასით და ეფ 21-ით.
„საკალათბურთო კლუბი ბათუმი“ სუპერლიგის მომდევნო შეხვედრას 8 მარტს გამართავს. მე-15 ტურში ბერიშვილის გუნდი „ვსა“-ს დაუპირისპირდება.
ავტორი: დიმიტრი გორგილაძე
