შინაგან საქმეთა სამინისტროს ინფორმაციით, საქართველოში დიდი რაოდენობით ცეცხლსასროლი იარაღისა და საბრძოლო მასალის უკანონოდ შემოტანის ფაქტი აღკვეთეს. დაკავებულია ორი პირი, მათგან ერთ-ერთი უცხო ქვეყნის მოქალაქეა.
უწყების ცნობით, საგამოძიებო მოქმედებები „სარფის“ საბაჟო გამშვებ პუნქტსა და ფოთის საზღვაო ნავსადგურში მდებარე გაფორმების ეკონომიკურ ზონაში ჩატარდა.
ბრალდებულების კუთვნილი ავტომობილების დათვალიერების შედეგად, ნივთმტკიცებად ამოიღეს დაახლოებით 500 საბრძოლო ვაზნა, 2 პნევმატური სპორტული იარაღი, 2 000-ზე მეტი ტყვიის მასრა, დაახლოებით 900 მასრის ჭურვი და ცეცხლსასროლი იარაღის ვაზნებისთვის განკუთვნილი 2.5 კილოგრამი დენთი.
