ბათუმში სტუდენტებისთვის ლექციები და დისკუსიები გაიმართება, ამის შესახებ ინფორმაცია სტუდენტური მოძრაობა “მარტიანელები” ავრცელებს.
გავრცელებულ ინფორმაციაში აღნიშნულია, რომ აქტივობა დღეს, 17 მაისს, 18:30 საათზე, ბათუმის ბულვარში, საზაფხულო თეატრის მიმდებარედ გაიმართება.
“მომხსენებელი იქნებიან და დისკუსიეს გაუძღვებიან ბათუმის შოთა რუსთაველის სახელმწიფო უნივერსიტეტის პროფესორები,” – აცხადებენ ორგანიზატორები.
- ევროპული ცივილიზაციის ქართული საზომები – ლაშა ბაჟუნაიშვილი, ბათუმის შოთა რუსთაველის სახელმწიფო უნივერსიტეტის ასოცირებული პროფესორი
- ევროპული განათლება, ტრადიციები და თანამედროვეობა – ინგა შამილიშვილი,ბათუმის შოთა რუსთაველის სახელმწიფო უნივერსიტეტის პროფესორი
- ოჯახი, როგორც კულტურა, ქართულ ლიტერატურულ კონტექსტში – ნანა ტრაპაიძე, ბათუმის შოთა რუსთაველის სახელმწიფო უნივერსიტეტის პროფესორი, ლიტერატურის კრიტიკოსი
- რუსული ოკუპაცია საქართველოში – კახა სურგულაძე, ბათუმის შოთა რუსთაველის სახელმწიფო უნივერსიტეტის პროფესორი, ისტორიის მეცნიერებათა დოქტორი
