არაკონკურენტუნარიანი ანაზღაურება, ახალგაზრდების უმუშევრობის მაღალი დონე და ევროკავშირის სტანდარტებთან შეუსაბამო სამუშაო პირობები – ასე გამოიყურება დღევანდელი შრომითი ბაზარი საქართველოში.
ახალგაზრდა სეგმენტის უმუშევრობის მაღალი მაჩვენებელი ერთ-ერთ მთავარ ეკონომიკურ გამოწვევას საქართველოსთვის ოდითგანვე წარმოადგენდა. აღსანიშნავია, რომ ბოლო წლებში გამოქვეყნებული შრომითი ბაზრის კვლევები, რომლებზედაც ამ სტატიაში ვისაუბრებთ, გრძელვადიან პერსპექტივაში მძიმე შედეგებს იუწყებიან.
როგორც საქართველოს სტატისტიკის ეროვნული სამსახურის ოფიციალურ ვებგვერდზე ვკითხულობთ, 2023 წლის პირველი კვარტლის მდგომარეობით, უმუშევართა მოქალაქეების საერთო რაოდენობა 18%-ს შეადგენს, რაც 279 ათას ადამიანს უდრის.
დასაქმების ხელშეწყობის სახელმწიფო სააგენტოს კვლევიდან ვლინდება, რომ შრომის ბაზრის მართვის საინფორმაციო სისტემა – www.worknet.gov.ge – ზე 1,821 ათასი უმუშევარი ახალგაზრდა დარეგისტრირდა. აქედან, დამსაქმებელთან გაიგზავნა 617 ახალგაზრდა, კარიერის დაგეგმვის კონსულტაცია გაეწია 1,147 სამუშაოს მაძიებელს, ხოლო ინდივიდუალური კონსულტაციით ისარგებლა 1,019-მა.
აპლიკანტთა სიმცირე, კვალიფიკაციის არქონა, შესაბამისი აკადემიური ხარისხის ნაკლებობა – ეს ის ძირითადი მიზეზებია, რომელთა გამოც ახალგაზრდებში დასაქმების ხელშეწყობა ვერ ხერხდება. ამის შესახებ, დასაქმების ხელშეწყობის სააგენტოს მონიტორინგის სამსახურის კველვაში ვკითხულობთ.
