„ქართული ოცნების“ ბათუმის საკრებულო მომდევნო სხდომაზე მუნიციპალური მიკროავტობუსების (M2 კატეგორიის) მგზავრობის ტარიფზე ისჯელებს.
არადა, ბათუმში 2022 წლიდან მიკროავტობუსებით მგზავრობა 70 თეთრი ღირს. აღნიშნული ტარიფი კომპანიების მიერ თვითნებურად იყო დაწესებული და შესაბამისი სამართლებრივი გადაწყვეტილებით დადასტურებული არ ყოფილა. კანონდარღვევაზე თვითმმართველობას რეაგირება ამ დრომდე არ მოუხდენია.
საკრებულოს განსახილველ პროექტში სწორედ აღნიშნული პრაქტიკის ფორმალიზებაა ასახული – დოკუმენტის მიხედვით, ბათუმის მუნიციპალიტეტის ტერიტორიაზე M2 კატეგორიის მუნიციპალურ ავტობუსებში მგზავრობის ტარიფი ოფიციალურად 0,70 ლარით განისაზღვრება.
ამ გზით მერია ცდილობს, წლების განმავლობაში არსებული არარეგულირებული სატარიფო მდგომარეობა სამართლებრივ ჩარჩოებში მოაქციოს.
