ქობულეთში, მე-5 საბავშვო ბაღში სარემონტო სამუშაოები მიმდინარეობს. სამუშაოები მიმდინარე წლის ზაფხულში დაიწყო და ხელშეკრულების თანახმად, 2027 წლის 20 იანვარს უნდა დასრულდეს.
სამუშაოებისთვის ადგილობრივი მერიის ბიუჯეტიდან 1 მილიონ 183 894 ლარი დაიხარჯება. მე-5 საბავშვო ბაღში სამუშაოებს შპს „თიქია“ ასრულებს.
რატომ გახდა საბავშვო ბაღის რეაბილიტაცია საჭირო მაშინ, როდესაც 2014 წელს აღნიშნული შენობისთვის 600 ათასი ლარი დაიხარჯა?
ამ საკითხზე მუნიციპალიტეტში აცხადებენ, რომ საბავშვო ბაღების სარემონტო სამუშაოები ეტაპობრივად მიმდინარეობს და საჭიროებიდან გამომდინარე, მე-5 საბავშვო ბაღის რეაბილიტაციაც გახდა აუცილებელი.
სააღმზრდელო დაწესებულებაში რეგისტრირებული აღსაზრდელები ქობულეთის პირველ, მესამე და მეოთხე საბავშვო ბაღებში გადაანაწილეს. რაც შეეხება ბაღის ადმინისტრაციასა და პედაგოგებს, მუნიციპალიტეტის ინფორმაციით, მათი გამოძახება საჭიროებისამებრ მოხდება.
ქობულეთის საბავშვო ბაღებში თანამშრომლებს მობილურების გამოყენება აეკრძალათ
მღვდლის მეუღლე ქობულეთის საბავშვო ბაღების გაერთიანების დირექტორად დაინიშნა
„აჭარა თაიმსის“ მიერ გავრცელებული ინფორმაცია დადასტურდა – ია ხალვაში გაათავისუფლეს
