სურსათის ეროვნული სააგენტოს ინფორმაციით, ქობულეთში ჩატარებული არაგეგმური სახელმწიფო კონტროლის ფარგლებში ფრინველთა არალეგალური სასაკლაო გამოავლინეს.
უწყების ცნობით, ინდივიდუალური მეწარმე ნ. ჟ. (ქობულეთი, დაბა ჩაქვი, მე-7 რაიონი, აჭარის ქუჩა N89) საცხოვრებელი სახლის ეზოში, კუსტარულად მოწყობილ სივრცეში ახორციელებდა ფრინველის დაკვლას სავალდებულო აღიარებისა და ვეტერინარული ზედამხედველობის გარეშე.
ინსპექტირების შედეგად გამოვლინდა კრიტიკული შეუსაბამობები, რის გამოც ბიზნესოპერატორი დაჯარიმდა და საწარმოო პროცესი შეუჩერდა. საქმიანობის გაგრძელება შესაძლებელი იქნება მხოლოდ დარღვევების სრულად აღმოფხვრის, შესაბამისი რეგისტრაციისა და აღიარების მიღების შემდეგ.
