2023 წლის შედეგების ყველაზე მკვეთრი გაუარესების მქონე მუნიციპალიტეტების ჩამონათვალში შუახევი ლიდერია. ამის შესახებ, ინფორმაციის თავისუფლების განვითარების ინსტიტუტის (IDFI) მუნიციპალიტეტის ერთიან ეროვნულ შეფასების კვლევაში ვკითხულობთ.
მუნიციპალიტეტების მონაწილეობისა და ანგარიშვალდებულების ინდექსის მიხედვით, შუახევის საკრებულოს ყველაზე დაბალი შედეგი (10%) უფიქსირდება.
ცნობისთვის, შეფასების შედეგების წარმოდგენის მიზნებიდან გამომდინარე, რეგიონებად სახელმწიფო რწმუნებულების სამოქმედო ტერიტორიები და აჭარის ავტონომიურირესპუბლიკა მიიჩბნევა (სულ 10 რეგიონი).
შესაბამისად, კველვაში ბათუმის მუნიციპალიტეტიცაა გათვალისწინებული.
გთავაზობთ აჭარის რეგიონთან დაკავშირებულ ძირითად მიგნებებს:
• მოქალაქეთა მონაწილოების ხელშეწყობისა და ანგარიშვალდებულების ყველაზე მაღალიმაჩვენებელი – 52% დაფიქსირდა ქალაქ ბათუმის მუნიციპალიტეტში. 2023 წელს დაფიქსირებული საუკეთესო მაჩვენებელი 3%-ით ჩამორჩება 2019 წლის შეფასების საუკეთესო მაჩვენებელს (55% – ქალაქ ბათუმის მუნიციპალიტეტი) და 17%-ით 2019 წლის საუკეთესო მაჩვენებელს (79% – ქალაქ ბათუმის მუნიციპალიტეტი).
• საბიუჯეტო დაგეგმვის პროცესში მუნიციპალიტეტების აბსოლუტური უმრავლესობა კვლავ არ ითვალისწინებს მოქალაქეთა მონაწილეობის მხარდამჭერ პროგრამებს, გამონაკლისია მხოლოდ ქალაქ ბათუმისა და ხარაგაულის მუნიციპალიტეტები.
• გასათვალისწინებელია, რომ სამოქალაქო (მონაწილეობითი) ბიუჯეტის კრიტერიუმის 100%-იანი შესრულების მაჩვენებელი მხოლოდ ბათუმის მუნიციპალიტეტს აქვს, ხოლო გენდერული თანასწორობის საბჭოს შემთხვევაში – მხოლოდ 3 მუნიციპალიტეტს.
• 2023 წელსაც დაბალი რჩება მუნიციპალიტეტის მერიის მხრიდან მოქალაქეების ინფორმირების ხარისხი მონაწილეობის ფორმებთან დაკავშირებით (12%). წლევანდელი შეფასების მიხედვით, სრულად ინფორმაციას მხოლოდ ქ. ბათუმის, ხელვაჩაურის და მესტიის მუნიციპალიტეტის მერიები აქვეყნებენ ვებგვერდებზე.
