აჭარის მთავრობამ, ბათუმში, წლის წარმატებული ხელოვანები დააჯილდოვა. კულტურის სფეროს მთავარი ჯილდო, სპეციალური პრიზი – „ოვაცია“ წელს 20 ხელოვანს გადაეცა, მათ შორის არ აღმოჩნდა ბათუმის დრამატული თეატრის მსახიობი ეკა ჩავლეიშვილი.
მსახიობმა ფილმში “შაშვი, შაშვი, მაყვალი” 4 საერთაშორისო, მაღალი დონის პრიზი აიღო ქალის როლის საუკეთესო შესრულებისათვის.
რატომ ვერ მოხვდა საერთაშორისო ასპარეზზე აღიარებული ეკა ჩავლეიშვილი საკუთარ ქალაქში ადგილობრივ წარმატებულ ხელოვანთა სიაში?
აჭარის განათლების სამინისტროში ajaratimes.ge-ის განუცხადეს, რომ დებულების თანახმად, პირის ნომინაციაზე წარდგენა საინიციატივო ჯგუფების ან ორგანიზაციების ინიციატივით ხდება.
“წელს წარმოდგენილ დასაჯილდოვებელ პირთა შორის ეკა ჩავლაიშვილი არ ყოფილა. არავის მოუმართავს, მათ შორის არც თეატრს,”- აცხადებენ სამინისტროში.
სოციალურ ქსელში მწვავე გამოხმაურება მოჰყვა აღნიშნულ სიას. წერენ, რომ დაჯილდოვებულთა შორის იყვნენ ისეთები, ვინც “ქართული ოცნების” იდეოლოგიური მხარდამჭერი ხელოვნია.
