გიორგი კეპულაძემ, ორგანიზაცია „საზოგადოება და ბანკების“ ხელმძღვანელმა, სოციალურ ქსელში განმარტა, რა მოთხოვნებია აუცილებელი საქართველოში საბანკო ლიცენზიის მისაღებად.
მისი თქმით, საქართველოს ეროვნული ბანკის რეგულაციების მიხედვით, ბანკის დასაფუძნებლად სავალდებულოა მინიმუმ 50 მილიონი ლარის საწესდებო კაპიტალი, რომელიც ფინანსური სტაბილურობის უზრუნველსაყოფად ინახება და საოპერაციო ხარჯებისთვის ვერ გამოიყენება. ამასთან, ბანკის ინფრასტრუქტურის შექმნას დამატებით ათეულობით მილიონი ლარი სჭირდება – მათ შორის საბანკო პროგრამული უზრუნველყოფა, კიბერუსაფრთხოების სისტემები, ფიზიკური ინფრასტრუქტურა და კვალიფიციური კადრების დაქირავება.
კეპულაძის განცხადებით, მკაცრად მოწმდება კაპიტალის წარმომავლობა, მფლობელობის სტრუქტურა და ინვესტორების, მენეჯმენტისა და სამეთვალყურეო საბჭოს რეპუტაცია. აუცილებელია დეტალურად გაწერილი ბიზნესგეგმა, კორპორაციული მართვის მაღალი სტანდარტები და რისკების მართვის საერთაშორისო ჩარჩო. მისივე განმარტებით, საბანკო ლიცენზიის მიღება მხოლოდ ფინანსური რესურსის არსებობას არ ნიშნავს და წარმოადგენს სანდოობისა და რეგულაციებთან სრული შესაბამისობის მკაცრ ტესტს.
შეგახსენებთ, რომ სახელისუფლებო, პროპაგანტისტული ტელეკომპანია „იმედი“ აცხადებს, საკუთარი ბანკის შექმნას გეგმავს, მას შემდეგ, რაც დიდი ბრიტანეთის სანქციების ჩამონათვალში მოექცა.
დიდმა ბრიტანეთმა სახელისუფლებო „იმედსა“ და POSTV-ს სანქციები დაუწესა
