განათლების სამინისტროს მიერ დაფინანსებულ პროგრამაში 30 ათასი სტატუსშეჩერებული სტუდენტებიდან, სწავლის გაგრძელების სურვილი, მხოლოდ 4000-მა გამოთქვა.
სახელმწიფოს მიერ შექმნილმა ინიციატივამ სასურველი შედეგის 15 %-ს მიაღწია. როგორც, უწყებიდან გამოთხოვილი ინფორმაციიდან ირკვევა, 30 ათასივე სტუდენტს უნივერსიტეტებში ფინანსური დავალიანება ჩამოწერილი აქვთ და სწავლის გაგრძელება სურვილის შემთხვევაში 5 წლის განმავლობაში შეეძლებათ.
“საქართველოს მთავრობის 2023 წლის 3 ოქტომბრის №378 დადგენილებით დამტკიცებული “საქართველოს უმაღლეს საგანმანათლებლო დაწესებულებაში ფინანსური დავალიანების მქონე სტატუსშეჩერებული სტუდენტების სწავლის ხელშეწყობის მიზნით გასატარებელი ღონისძიებების წესის” მე-2 მუხლის საფუძველზე ფინანსური დავალიანება ჩამოეწერა 30 000 – მდე სტუდენტს.
2023 წლის 27 ნოემბრის მდგომარეობით ფინანსური დავალიანების ჩამოწერის შემდგომ სტატუსი აღიდგინა 4000 – მდე სტუდენტმა.
აქვე აღსანიშნავია, რომ ამავე დადგენილების მე-3 მუხლის მე-2 პუნქტის თანახმად სტუდენტი, რომელსაც ამ წესის შესაბამისად ჩამოეწერება ფინანსური დავალიანება, უფლებამოსილია, აღიდგინოს სტუდენტის სტატუსი სტატუსის შეჩერებიდან 5 წლის განმავლობაში. ამდენად, აღნიშნული პროცესი მიმდინარეა.”- ნათქვამია განათლების სამინისტროს პასუხში.
ცნობისთვის, 21 სექტემბერს, განათლების მინისტრმა გიორგი ამილახვარმა განაცხადა, რომ პრემიერ ღარიბაშვილის 15 სექტემბრის დაპირების შემდეგ სახელმწიფოს მიერ სტუდენტების ვალების გაბულებაზე, მათ კერძო უნივერსიტეტებს შესთავაზეს სტუდენტების დავალიანების „ობიექტური საბაზრო ღირებულების ანაზღაურება“ (20%), რასაც დათანხმდა ყველა უნივერსიტეტი, გარდა თავისუფალი და აგრარული უნივერსიტეტებისა.
