კლანურმა სასამართლომ ძალაში დატოვა ძმები წულუკიძეების, გელა და ირაკლი ჭელიძეების, ასევე ელდარ ანთაძის სასჯელი. ეს იყო პოლიტიკური გადაწყვეტილება კრიმინალური დაჯგუფების წარმომადგენლების მამა-შვილი რიჟვაძეების მიერ, რომლებიც ამ ადამიანებმა ამხილეს,” – ამის შესახებ „ნაციონალური მოძრაობის“ აჭარის უმაღლესი საბჭოს წევრმა განაცხადა.
ელგუჯა ბაგრატიონმა თქმით, ხელისუფლების ბერკეტები დღეს „კრიმინალური დაჯგუფების წარმომადგენლებს მამა-შვილ რიჟვაძეებს აქვთ“.
„კლანურმა სასამართლომ ძალაში დატოვა სპორტსმენი, პატრიოტი ადამიანების, ძმები წულუკიძეების, გელა და ირაკლი ჭელიძეების, ასევე ელდარ ანთაძის სასჯელი. ეს რომ პოლიტიკური გადაწყვეტილება იყო, კარგად იცის საზოგადოებამ. ხელისუფლების ბერკეტები დღეს კრიმინალური დაჯგუფების წარმომადგენლებს, მამა-შვილ რიჟვაძეებს აქვთ. ერთი მთავრობის თავმჯდომარეა და მეორე პოლიციის მაღალჩინოსანი. ეცდებოდნენ ამ ადამიანების მოსყიდვას და თანაც ბიუჯეტის ფულით. ამ ადამიანებმაისინი ამხილეს. ამის შემდეგ დაიწყო მათი დევნა. კლანურმა სასამართლომ მიუსაჯა სასჯელი და დატოვა პატიმრობაში, როგორც ჩანს ხელისუფლება არ აპირებს და არ ეგუება იმ რეალობას”, – განაცხადა ელგუჯა ბაგრატიონმა, რომლის კომენტარსაც პარტიის პრესსამსახური ავრცელებს.
ცნობისთვის, სააპელაციო სასამართლომ ძმები წულუკიძეების საქმეზე საქალაქო სასამართლოს გადაწყვეტილება ძალაში დატოვა. ძმები წულუკიძეები, ჭელიძეები და ელდარ ანთაძე რიონის ძალადობის ბრალდებით დააკავეს. ინფორმაციისთვის, პრეზიდენტმა თორნიკე და თამაზ ჭელიძეები შეიწყალა, ხოლო წულუკიძეებსა და ელდარ ანთაძეს უარი უთხრა.
.
