აჭარის მთავრობის სამინისტროები ვებსაიტზე განსათავსებელ საჯარო ინფორმაციას არასრულად ავსებენ.
ხარჯთაღრიცხვა, რომელიც უწყებებმა აჭარის პორტალზე ყოველწლიურად უნდა წარმოადგინონ, წლების გამოტოვებითა და არასრული დეკლარაციებითაა აღრიცხული.
მაგალითისთვის, აჭარის ავტონომიური რესპუბლიკის სოფლის მეურნეობის სამინისტროს სამსახურის დაფინანსებისა და ხარჯთაღრიცხვის შესახებ, კერძოდ საწვავზე გაწულ ხარჯებზე ფაილის ბმულები ბოლოს 2017 წელს აქვს ატვირთული.
აღსანიშნავია, რომ ვებსაიტზე არ არის წარმოდგენილი 2012-2014 და 2018-2023 წლის ხარჯთაღრიცხვა, თუ რამდენი ლიტრი საწვავი მოიხმარა უწყების ჩინოვნიკებმა.
გასათვალისწინებელია ის ფაქტი, რომ აჭარის სოფლის მეურნეობის სამინისტრო ერთადერთი უწყება არ არის, რომელსაც საჯარო ინფორმაცია არასრულად აქვს წარმოდგენილი.
შემდეგი, რომელზეც ვისაუბრებთ საავტომობილო გზების დეპარტამენტი გახლავთ. სოფლის მეურნეობის სამინისტროსგან განსხვავებით, უწყებას მხოლოდ 2018 წლის საწვავის მოხმარებაზე გაწეული ხარჯის შესახებ აქვს წარმოდგენილი ინფორმაცია.
როგორც საავტომობილო გზების დეპარტამენტი საჯარო ინფორმაციას შესაბამისი ბმულის გარეშე, წერილობით წერს, 5 წლის წინ უწყების ჩინოვნიკებმა 1 320 165,19 ლარის ოდენობის საწვავი გახარჯეს.
