სასაზღვრო პოლიციის თანამშრომლებმა, საბაჟო გამშვები პუნქტის თანამშრომლებთან ერთობლივად ჩატარებული ღონისძიებების შედეგად, ბათუმის სამმართველოს სასაზღვრო სექტორ „სარფის“ დასაცავ მონაკვეთზე უცხო ქვეყნის მოქალაქე, 1980 წელს დაბადებული ს.ა., დააკავეს.
შინაგან საქმეთა სამინისტროს ინფორმაციით, ბრალდებული დიდი ოდენობით ნარკოტიკული საშუალების სახელმწიფო საზღვარზე უკანონოდ შემოტანის ფაქტზე არის დაკავებული.
გამოძიება საქართველოს სისხლის სამართლის კოდექსის 260-ე მუხლის მესამე ნაწილის „ა“ ქვეპუნქტითა და 262-ე მუხლის მეოთხე ნაწილის „ა“ ქვეპუნქტით მიმდინარეობს, რაც სასჯელის სახედ 20 წლამდე ან უვადო თავისუფლების აღკვეთას ითვალისწინებს.
