შინაგან საქმეთა სამინისტროს ინფორმაციით, სამართალდამცველებმა ინტერპოლის მიერ წითელი ცირკულარით ძებნილი თურქეთის რესპუბლიკის მოქალაქე – 1988 წელს დაბადებული ა.ჩ. დააკავეს.
უწყების ცნობით, დაკავებული თურქეთის რესპუბლიკის მიერ სხვადასხვა კატეგორიის დანაშაულისთვის იძებნებოდა. მათ შორისაა მუქარისა და შეურაცხყოფის ფაქტები, ასევე მცირე რაოდენობით საბრძოლო მასალის უკანონო შეძენა-შენახვა.
სამართალდამცველებმა ა.ჩ. ჩატარებული საგამოძიებო და ოპერატიული ღონისძიებების შედეგად ბათუმში დააკავეს.
შინაგან საქმეთა სამინისტროს ინფორმაციით, დაკავებულის მიმართ მიმდინარეობს კანონით გათვალისწინებული საექსტრადიციო პროცედურები.
