„ქართული ოცნების“ ბათუმის მერმა უწყების დაქვემდებარებაში არსებული რამდენიმე ორგანიზაციის ახალი ხელმძღვანელები წარადგინა. ცვლილებები სხვადასხვა მუნიციპალურ სტრუქტურას შეეხო და, გიორგი ცინცაძის განცხადებით, მათი მიზანი ორგანიზაციების საქმიანობის ეფექტიანობის გაზრდა და შესაბამისი მიმართულებების გაძლიერებაა.
შპს „შავი ზღვის ფლორისა და ფაუნის შემსწავლელი სამეცნიერო-კვლევითი ცენტრის“ დირექტორის თანამდებობაზე თემურ ჯიბლაძე დაინიშნა. ცენტრის ყოფილი დირექტორი დავით ლეკვეიშვილი კი ა(ა)იპ „ბათუმის სასაფლაოების“ ხელმძღვანელად დაინიშნა.
ა(ა)იპ „აკაკი წერეთლის სახელობის ქალაქ ბათუმის საჯარო ბიბლიოთეკის“ დირექტორის პოზიცია ეკონომიკის დოქტორმა ნატალია ძიძიგურმა დაიკავა. ასევე, ა(ა)იპ „ბათუმის სოციალური სერვისების სააგენტოს“ ხელმძღვანელად თამარ გაბაიძე დაინიშნა.
