„ქართული ოცნების“ საქართველოს პროკურატურამ პირადი ცხოვრების საიდუმლოს უკანონოდ მოპოვების, შენახვისა და გამოყენების, სექსუალური ხასიათის იძულებისა და კომპიუტერულ სისტემაში უნებართვო შეღწევის ფაქტებზე ერთ პირს ბრალდება წარუდგინა.
„ქართული ოცნების“ აჭარის პროკურატურის მიერ ჩატარებული გამოძიებით დადგინდა, რომ ბრალდებული სოციალურ ქსელ „Facebook“-ის ანგარიშზე უნებართვო შეღწევის გზით გაეცნო დაზარალებულის პირად მიმოწერას. ამის შემდეგ, პირადი ცხოვრების ამსახველი ინფორმაციის გავრცელების მუქარით, უკანონოდ მოიპოვა დაზარალებულის ინტიმური შინაარსის ფოტოსურათები.
გამოძიების ინფორმაციით, ბრალდებული სახელის გამტეხი და პირადი ცხოვრების ამსახველი ინფორმაციის გავრცელების მუქარით დაზარალებულს სქესობრივი კავშირის დამყარებას აიძულებდა.
დაკავებულს ბრალდება საქართველოს სისხლის სამართლის კოდექსის 157-ე პრიმა მუხლის პირველი ნაწილით (პირადი ცხოვრების საიდუმლოს უკანონოდ მოპოვება, შენახვა და გამოყენება), 139-ე მუხლის პირველი ნაწილით (სექსუალური ხასიათის იძულება) და 284-ე მუხლის პირველი ნაწილით (კომპიუტერულ სისტემაში უნებართვო შეღწევა) წარედგინა, რაც სასჯელის სახედ და ზომად 7 წლამდე თავისუფლების აღკვეთას ითვალისწინებს. ბრალდებულს აღკვეთის ღონისძიების სახით პატიმრობა უკვე შეეფარდა.
