საბაჟო კონტროლის ფარგლებში, ბათუმის გაფორმების ეკონომიკურ ზონაში მებაჟე ოფიცრებმა ძვირადღირებული ავტომობილების კანონდარღვევით შემოტანის რამდენიმე ფაქტი გამოავლინეს.
„ქართული ოცნების“ ფინანსთა სამინისტროს შემოსავლების სამსახურის ინფორმაციით, საუბარია დაახლოებით 5 მილიონი ევროს ღირებულების 59 ერთეულ ავტომობილზე.
უფლებამოსილი პირის მიერ, ეჭვის საფუძველზე ჩატარებული მონაცემების გადამოწმების შედეგად დადგინდა, რომ ავტომობილებზე მწარმოებლის მიერ მინიჭებული საიდენტიფიკაციო კოდები – ე.წ. VIN კოდები – შეცვლილი იყო, რაც კანონმდებლობის უხეშ დარღვევას წარმოადგენს.
გამოვლენილ ფაქტებთან დაკავშირებით, საქმის მასალები შემდგომი რეაგირებისა და სამართლებრივი შეფასების მიზნით, შინაგან საქმეთა სამინისტროს შესაბამის სამსახურს გადაეცა.
