ბათუმი-ახალციხის დამაკავშირებელ გზაზე, სოფელ ერგეს მონაკვეთზე ავტოსაგზაო შემთხვევა მოხდა.
„აჭარა თაიმსის“ ინფორმაციით, მსუბუქი ავტომობილი გზის სავალი ნაწილიდან გადავიდა და ბოძს შეეჯახა.
შემთხვევის შედეგად ორი ადამიანი დაშავდა. ადგილზე მობილიზებულია სასწრაფო სამედიცინო დახმარების ჯგუფი, რომლებიც დაშავებულებს შესაბამის დახმარებას უწევენ.
ასევე შემთხვევის ადგილზე მუშაობენ მეხანძრე-მაშველები. დამატებითი დეტალები ამ ეტაპზე უცნობია.
