შინაგან საქმეთა სამინისტროს ინფორმაციით, ბათუმსა და ხელვაჩაურის მუნიციპალიტეტში ინტერპოლის წითელი ცირკულარით საერთაშორისო დონეზე ძებნილი თურქეთის რესპუბლიკის ორი მოქალაქე დააკავეს.
უწყების ცნობით, დაკავებულები თურქეთის სამართალდამცავი ორგანოების მოთხოვნის საფუძველზე, სხვადასხვა მძიმე დანაშაულისთვის იძებნებოდნენ.
მათი დაკავება ჩატარებული საგამოძიებო და ოპერატიული ღონისძიებების შედეგად, სხვადასხვა დროს განხორციელდა.
ამ დროისთვის დაკავებულების მიმართ საექსტრადიციო პროცედურები კანონმდებლობის შესაბამისად მიმდინარეობს.
