„აჭარა თაიმსის“ ინფორმაციით, სახელმწიფო უსაფრთხოების სამსახურმა ბათუმის მუნიციპალური ინსპექციის თანამშრომელი დააკავა.
ჩვენი ინფორმაციით, ინსპექციის ერთ-ერთი მთავარი სპეციალისტი ქრთამის აღების ბრალდებით აიყვანეს.
„აჭარა თაიმსი“ დამატებითი ინფორმაციის მისაღებად სახელმწიფო უსაფრთხოების სამსახურს დაუკავშირდა, თუმცა ამ დროისთვის უწყებაში ჩვენს სატელეფონო ზარს არ უპასუხეს.
ბათუმის მუნიციპალურ ინსპექციაში კი განაცხადეს, რომ აღნიშნულ ინფორმაციას „ჯერჯერობით ვერ დაგვიდასტურებენ“.
„აჭარა თაიმსი“ თემაზე მუშაობას აგრძელებს და დეტალებს მიღებისთანავე მასალა განახლდება.
