ბათუმში ძლიერი წვიმის შედეგად რამდენიმე ქუჩა დაიტბორა. წყლით დაიფარა საავტომობილო გზები და ტროტუარები.
წყალი ზოგიერთ კომერციულ ობიექტსა და საცხოვრებელი სახლების პირველ სართულებშიც შევიდა.
მოქალაქეებისგან არაერთი შეტყობინება მივიღეთ. ისინი შექმნილი ვითარების გამო დახმარებას ითხოვენ.
ადგილობრივების თქმით, პრობლემას სანიაღვრე სისტემის გაუმართაობა ართულებს, რის გამოც უხვი ნალექის დროს წყლის ნაკადის გატარება ვერ ხერხდება და ქუჩები სწრაფად იტბორება.
ქეთევან წამებულის ქუჩაზე, წვიმის შედეგად სახლების პირველი სართულები და ეზოები დაიტბორა.
წყლით დაიფარა ეზოები და საცხოვრებელი სახლების პირველი სართულები ანწუხელიძის ქუჩაზეც.
„აჭარა თაიმსმა“ დატბორილი ქუჩებიდან არაერთი შეტყობინება მიიღო.
მოქალაქეების თქმით, ისინი დახმარებას ითხოვენ, თუმცა, მათი განცხადებით, ადგილზე შესაბამისი სამსახურები დასახმარებლად არ მისულან.
