აჭარის მაღალმთიანეთის რამდენიმე სოფელი ელექტროენერგიის გარეშეა დარჩენილი. როგორც AJARATIMES.GE-ის “ენერგო პრო ჯორჯიაში” განუცხადეს ხელვაჩაურის მუნიციპალიტეტში, მაღალი ძაბვის გადამცემის დაზიანების გამო, შუქის გარეშეა მაჭახლის ხეობის ნაწილი.
ელექტროენერგიის გარეშე რჩება შუახევისა და ხულოს რამდენიმე სოფელიც. კერძოდ, რიყეთი, დიოკნისი, ღურტა და დიდაჭარა. შეფერხების მიზეზი ამ შემთხვევაში სადენების დაზიანება გახდა.
რაც შეეხება შუახევს, როგორც კომპანიაში განმარტეს, ინფორმაციას აზუსტებენ, თუმცა წინასწარი მონაცემებით შუქის გარეშეა ჭვანისა და უჩამბის ხეობის რიგი სოფლები.
“დიდთოვლობისა და მეწყრული პროცესების გამო დაზიანდა გადამცემი ხაზები. ჩვენი ჯგუფები ამ წუთებშიც აგრძელებენ მუშაობას. იქ, სადაც ტრანსპორტით მისვლა შეუძლებელია ტექნიკური სამსახური ფეხით აგრძელებს მოძრაობასა და მუშაობას,” – გვითხრეს კომპანიაში.
