ხულოს მუნიციპალიტეტის 38 საჯარო სკოლაში დღეს, სასწავლო პროცესი ვერ განახლდა. AJARATIMES.GE-ის ადგილობრივ რესურსცენტრში განუცხადეს, რომ ინტენსიური თოვისა და ქარის გამო, აღნიშნულ სკოლებში მოსწავლეები ვერ მივიდნენ.
“ერთ ღამეში მოვიდა დიდი თოვლი, შესაბამისად ბავშვებს სკოლაში მისვლა გაუჭირდათ. გზები დათოვლილია, თუმცა ინტენსიურად იწმინდება. ვნახოთ, ხვალ რა მდგომარეობა გვექნება,” – გვითხრა ედუარდ მიქელაძემ.
ინფორმაციისთვის: თოვისა და ძლიერი წვიმის გამო, მაღალმთიან აჭარაში, რამდენიმე ადგილზე მეწყრული პროცესები განვითარდა. ხულოს, შუახევისა და ქედის მუნიციპალიტეტებში დაიმეწყრა როგორც ადგილობრივი მნიშვნელობის, ასევე ცენტრალური საავტომობილო გზები.
