„სოკარ ჯორჯია გაზი აჭარას“ მენეჯმენტში ვერ აკონკრეტებენ, როდის აღდგება გაზმომარაგება ბათუმში, ხელვაჩაურსა და ქობულეთში. კომპანიამ „აჭარა თაიმსთან“ საუბრისას დაადასტურა, რომ გაზის გათიშვა ამინდთანაა დაკავშირებული და ის არაპროგნოზირებადია. ვახტანგ ბერიშვილი განმარტავს, რომ პრობლემა გაზგამანაწილებელ სისტემაზე წარმოიქმნა.
კომპანიის ინფორმაციით, ბუნებრივი აირის ბათუმსა და ხელვაჩაურში 17 ათასამდე აბონენტს შეუწყდა. ასევე, გაზის გარეშე დარჩნენ ქობულეთის რამდენიმე სოფლის მცხოვრებნი.
“ამ წუთისთვის, ბათუმსა და ხელვაჩურში 17 ათასამდე აბონენტს არ მიეწოდება ბუნებრივი აირი. შეტყობინება გათიშვის შესახებ ყველას მიუვიდა, თუ არ მისვლიათ გაგზავნილია უკვე ტექსტი. გაზის გათიშვა ამინდის მკვეთრ გაუარესებას უკავშირდება, წნევის ვარდნა დაფიქსირდა. სისტემას აქვს პრობლემა, ჩვენ ქსელში ნაკლებად. ვნახოთ რა იქნება, ველოდებით. ჯერჯერობით ვერ ვამბობთ როდის აღდგება ბუნებრივი აირი. ქობულეთში ასევე, თოვლის გამო დაზიანებები გვაქვს, აღდგენითი სამუშაოები მას შემდეგ დაიწყება, როდესაც გზები გაიწმინდება,” – განაცხადა “სოკარ ჯორჯია გაზი აჭარას” დირექტორმა, ვახტანგ ბერიშვილმა “აჭარა თაიმსთან” საუბრისას.
აჭარის სოფლები ბუნებრივი აირის გარეშე – თორნიკე რიჟვაძის დაპირება რომელიც არ შესრულდა
