ქობულეთის რამდენიმე სოფელში ელექტროენერგიის მიწოდება კვლავ შეზღუდულია. კომპანია „ენერგო-პრო ჯორჯიას“ ინფორმაციით, გათიშვა დაფიქსირებულია დაგვაში, კვირიკეში, აჭყვისთავში, ალამბარში, ზენითში, ლეღვაში, ჯიხანჯურში, ხუცუბანში, ჭახათში, გვარასა და მიმდებარე ტერიტორიების ნაწილში.
როგორც კომპანიაში აცხადებენ, აღდგენითი სამუშაოები დილიდან ყველა მიმართულებით მიმდინარეობს, ხოლო ელექტრომომარაგების სრულად აღდგენა დღის ბოლომდეა დაგეგმილი.
ცნობისთვის, ელექტროენერგიის მიწოდების შეზღუდვა ინტენსიურ თოვას უკავშირდება, დაზიანდა მავთულები.
