აჭარაში, 2023 წლის II კვარტალთან შედარებით, 2023 წლის III კვარტალში საკრებულოების მიერ საჯარო ინფორმაციის გაცემის ხარისხი 16.5%-ით გაუმჯობესდა, ამის შესახებ კვლევას “საზოგადოებრივი განვითარების აკადემია” ავრცელებს.
ორგანიზაციის კვლევით დადგინდა, რომ საჯარო ინფორმაციის გაცემის ხარისხის გაუმჯობესება ძირითადად მოხდა შუახევის საკრებულოს ხარჯზე, რომელმაც 2023 წლის III კვარტალში 45%-იანი გაუმჯობესებული შედეგებით გასცა საჯარო ინფორმაცია, თუმცა არასრულყოფილად.
მესამე სექტორის ანალიზით, საჯარო ინფორმაციის გაცემის ხარისხის გაუარესება შეიმჩნევა საჯარო ინფორმაციის არასრულყოფილად ადმინისტრირების ნაწილში, ხელვაჩაურის, ქედისა და შუხევის საკრებულოებში.
2023 წლის III კვარტალში საჯარო ინფორმაციის დროულად გაცემის ნაწილში 100% შედეგები აქვს ბათუმის, ქედის, ხელვაჩაურის და ხულოს საკრებულოებს, რომლებსაც შუახევის საკრებულო მოსდევს 83 პროცენტით.
“საზოგადოებრივი განვითარების აკადემია” საკრებულოს წევრთა აქტიურობის შეფასებას 2018 წლიდან ახორციელებს.
