ბათუმის ხელოვნური კუნძულის მშენებლობისთვის საჭირო ინერტული მასალის მოპოვება სოფელ კვირიკეში მიმდინარეობს.
სამუშაოებს კომპანია „ამბასადორი ბათუმი აილენდი“ ახორციელებს. ადგილზე მთის ნაწილის დამუშავება აქტოურად მიმდინარეობს.
„ძლიერი საქართველო – ლელოს“ წევრები სოფელ კვირიკეში იმყოფებოდნენ, სადაც სამუშაოების მიმდინარეობისას არსებული ვითარება შეაფასეს.
პარტიის ერთ-ერთი ლიდერი ირაკლი კუპრაძე აცხადებს, რომ „ხელოვნური კუნძულის“ პროექტისთვის რესურსის მოპოვება ქობულეთის მთის მასივების დაშლის ხარჯზე ხდება.
მისი თქმით, ტერიტორიაზე მიმდინარეობს აფეთქებითი სამუშაოებიც, რაც ადგილობრივების შეფასებით, გარემოსა და საცხოვრებელ გარემოზე გავლენას მოახდენს.
კუპრაძის განცხადებით, 2025 წლის 6 მაისის სპეციალური განკარგულებით კომპანიას მიეცა უფლება, ლიცენზიის გარეშე მოეპოვებინა 1,5 მილიონი კუბური მეტრი ინერტული მასალა 20 ჰექტარ ტერიტორიაზე.
„როდესაც მილიონობით კუბური მეტრი ბუნებრივი რესურსი სიმბოლურ ფასად გადაეცემა კომპანიას, ხოლო სანაცვლოდ ნადგურდება მთები და ზარალდება გარემო, ეს არის სახელმწიფო ინტერესების უგულებელყოფა“, – აცხადებს ირაკლი კუპრაძე.
ბათუმის ხელოვნური კუნძულის გარემოზე ზემოქმედების შეფასების დოკუმენტი დაახარვეზდა
პოდკასტი: საეჭვო კუნძული – პოლიტიკური შეფასებები
ხალხი ზღვისა და სანაპიროს გარეშე – რას ითხოვს მოსახლეობა
ბათუმში კუნძულის მშენებლობა კორუფციული პროექტია
