ხვალ, 11 სექტემბერს აჭარაში, 57 საარჩევნო უბანზე იმიტირებული კენჭისყრა ჩატარდება და მასში მონაწილეობა ნებისმიერ ამომრჩეველს შეეძლება, ამის შესახებ უსკო იტყობინება. იმიტირებული კენჭისყრის პროცესი 11:00 საათიდან დაიწყება და 18:00 საათამდე გაგრძელდება.
საარჩევნო ადმინისტრაცია მოუწოდებს ამომრჩევლებს, გამოიყენონ მორიგი შესაძლებლობა, მონაწილეობა მიიღონ იმიტირებულ კენჭისყრაში და პირადად გაეცნონ საარჩევნო ტექნოლოგიებს.
“ამომრჩევლები პირადად გაეცნობიან ვერიფიკაციისა და ხმის მთვლელი აპარატების მუშაობას. საარჩევნო მოხელეები დაინტერესებულ პირებს განუმარტავენ რეგისტრაციის პროცედურას, ისინი ასევე თავად გაივლიან ხმის მიცემის შემდეგ პროცედურებს – რეგისტრატორის მაგიდასთან ბიულეტენზე საცდელი წრის გაფერადება, ფარული კენჭისყრის კაბინაში ბიულეტენზე წრის გაფერადება, ფარულობის უზრუნველყოფის მიზნით ჩარჩო-კონვერტში ბიულეტენის მოთავსება, ხმის მთვლელ აპარატში (ყუთში) ბიულეტენის მოთავსება,” – წერია უსკოს მიერ გავრცელებულ ინფორმაციაში.
