ძვირფასო მკითხველებო, 2025 წლის დაწყებასთან ერთად, სიყვარულით ვესალმებით თითოეულ თქვენგანს და გისურვებთ, რომ ახალი წელი იყოს სიმშვიდის, სიკეთისა და სტაბილურობის მომტანი.
ამ რთულ პერიოდში, როდესაც საქართველოს ისტორიული არჩევანის წინაშე დგომა გვიწევს, ევროპული ღირებულებების გზავნილი კიდევ უფრო მნიშვნელოვანია. თავისუფლება, თანასწორობა, მშვიდობა და სოლიდარობა ის საფუძვლებია, რომლებზეც ევროპა დგას და რომლებიც თითოეული ჩვენგანის მომავალი სიძლიერის საწინდარია.
აჭარა თაიმსი კიდევ ერთხელ ადასტურებს თავის პასუხისმგებლობას, იყო სანდო და სამართლიანი ინფორმაციის წყარო, რომელიც ხელს შეუწყობს საზოგადოებრივ ერთობასა და ევროპული განვითარების იდეის გაძლიერებას საქართველოში.
გვსურს, 2025 წელი გახდეს ის წელი, როდესაც ერთად ვიპოვით მშვიდობას, გავაძლიერებთ სიკეთეს ჩვენს შორის და დავდგებით მტკიცედ სტაბილურობისა და განვითარების გზაზე.
ჩვენი სურვილია, 2025 წელი იყოს არა მხოლოდ ახალი გამოწვევების, არამედ მათი წარმატებით გადალახვის წელი. იყოს სიყვარული, სიმშვიდე და სტაბილურობა თითოეულ ოჯახში და მთლიანად საქართველოში. გილოცავთ ახალ წელს! გვჯეროდეს, რომ საქართველო ევროპული ღირებულებებით გაძლიერდება!
💙 სიყვარულით, თქვენი აჭარა თაიმსი
