ბათუმის მერი საზოგადოებას ბოდიშს უხდის. არჩილ ჩიქოვანს მობოდიშემა მას შემდეგ მოუწია, რაც მისი საქმიანობის პრეზენტაციისას ეკრანზე რუსეთის რუკა, ევროკავშირის ფონზე გამოჩნდა. როგორც მან განაცხადა, ფაქტზე მუნიციპალიტეტის სხვა თანამშრომლებთან ერთად პასუხისმგებლობას იღებს.
„ტექნიკურ ნაწილში ძალიან ცუდი შეცდომა მოუვიდა გუნდს. ბუნებრივია, არ იყო სასიამოვნო იმის ნახვა, რაც დავინახეთ. როგორც ყველა თანამშრომელს, მეც მაქვს ჩემი პასუხისმგებლობა. მინდა საზოგადოებას, კოლეგებო თქვენ, ასევე, მედიასაშუალებებს და ყველა იმ ადამიანს ვინც ეს შეცდომა იხილა, ბოდიში მოგიხადოთ.
არ ამართლებს ამ შეცდომას და ამ ფაქტს, მაგრამ, როდესაც არანორმირებულად გვიწევს მუშაობა, ხდება ხოლმე შეცდომები და საზოგადოებას კიდევ ერთხელ ვუხდი ბოდიშს”,- აღნიშნა არჩილ ჩიქოვანმა.
