„აჭარა თაიმსის“ ინფორმაციით, ბათუმის მუნიციპალური ინსპექციის დირექტორის მოადგილემ, ბესიკ ცეცხლაძემ თანამდებობა დატოვა. აღნიშნულ ფაქტს უწყებაში ადასტურებენ.
ინსპექციის განმარტებით, ცეცხლაძემ პოზიცია საკუთარი განცხადების საფუძველზე დატოვა. სხვა დეტალებზე ამ ეტაპზე კომენტარი არ გაკეთებულა.
ბესიკ ცეცხლაძე წარსულში მომხდარ ინციდენტში ფიგურირებს. ბიზნესმენი მერაბ ფარტენაძე მას იარაღით მუქარაში ადანაშაულებდა. აღნიშნულ ფაქტზე მაშინ, შინაგან საქმეთა სამინისტრომ გამოძიება მუქარის მუხლით დაიწყო.
