აჭარის სატყეო სააგენტოს ცნობით, სახელმწიფო ტყის ტერიტორიაზე გამოვლინდა უკანონო მშენებლობის 3 ფაქტი.
კერძოდ, შუახევის მუნიციპალიტეტში, სოფელ ახალდაბის მიმდებარედ, სახელმწიფო ტყის ტერიტორიაზე დაფიქსირდა ოთხი კოტეჯის უკანონო მშენებლობა.
ასევე, ქედის მუნიციპალიტეტში, სოფელ ინაშარიძეების მიმდებარედ, მერისის სატყეოს ტერიტორიაზე გამოვლინდა ერთი კოტეჯის უკანონო მშენებლობის ფაქტი.
ორივე შემთხვევაზე, როგორც სააგენტო იტყობინება უკანონო საქმიანობა შეაჩერეს.
„უნებართვო საქმიანობა სახელმწიფო ტყის ტერიტორიაზე ითვალისწინებს სამართლებრივ პასუხისმგებლობას:
- უნებართვო მშენებლობა – ადმინისტრაციული სანქციები და უკანონო ობიექტის დემონტაჟი;
- ხე-ტყის უკანონო მოპოვება/ჭრა – ჯარიმა, გარემოსთვის მიყენებული ზიანის ანაზღაურება და საჭიროების შემთხვევაში სისხლისსამართლებრივი პასუხისმგებლობა;
- მიწის საფარის დაზიანება – შესაბამისი სანქციები და ზიანის ანაზღაურება,“ – წერია გავრცელებულ ინფორმაციაში.
