შუახევში სტარტი აიღო ნოშრევან დავითაძის ხსოვნისადმი მიძღვნილმა ტრადიციულმა ღია ტურნირმა ქართულ ჭიდაობაში.
ტურნირში მონაწილეობენ როგორც ადგილობრივი მოჭიდავეები, ასევე საქართველოს სხვადასხვა რეგიონიდან ჩამოსული სპორტსმენები.
შეჯიბრება იმართება 2010–2012 წლებში დაბადებულ სპორტსმენებს შორის, ექვს წონით კატეგორიაში: 45 კგ, 50 კგ, 55 კგ, 60 კგ, 65 კგ და +65 კგ.
ნოშრევან დავითაძის ხსოვნისადმი მიძღვნილი ტრადიციული ღია ტურნირი ქართულ ჭიდაობაში 25 ივლისს შუახევის სპორტულ ცენტრში მიმდინარეობს.
ავტორი: დიმიტრი გორგილაძე
