ბათუმში, არჩევნების შედეგების გაუქმება და კენჭისყრის ხელახლა ჩატარება საპროტესტო აქციით მოითხოვეს. 79-ე ოლქთან მოქალაქეები და სხვადასხვა პოლიტიკური პარტიის წარმომადგენლები შეიკრიბნენ. მათი თქმით, ცესკოს ოფიციალური შედეგები მმართველი პარტიის სურვილებს ასახავს და არა საზოგადოების. განაცხადეს, რომ არჩევნების გაყალბების ისეთი მასშტაბი იყო, როგორც არასდროს.
აქციის მონაწილეებმა 79-ე ოლქის მომდებარე ტერიტორიიდან მოგვიანებით აჭარის მთავრობის სახლთამ გადაინაცვლეს, სადაც პოლიტიკური განცხადებები გაკეთდა. საპროტესტო აქცია კი უსკოსთან დასრულდა.
უმაღლესი საარჩევნო კომისიის შენობასთან მისულებმა ადმინისტრაციის შენობაზე პლაკატები მიამაგრეს და განაცხადეს, რომ მორიგი შეკრება არჩევნების შედეგების შემაჯამებელი ოქმის გამოცემის დღეს გაიმართება.
აქვე დაგაინტერესებთ: ფოტორეპორტაჟი აქციიდან.
