დღეს საქართველოში არჩევნები მიმდინარეობს პოლიტიკური რეპრესიებისა და ავტორიტეტული დამკვირვებლების გარეშე. ოპოზიციის ლიდერების დიდი ნაწილი, ასევე სამოქალაქო აქტივისტები, დაპატიმრებულია.
„რეგიონულ მაუწყებელთა ალიანსის“ ინფორმაციით, მიმდინარე არჩევნები პირველია, რომელსაც „21 რეგიონული ტელეკომპანიიდან 17 ხვდება ისე, რომ ვეღარ აწარმოებს ყოველდღიურ ახალ ამბებს“. ორგანიზაციის შეფასებით, ეს ფაქტი მიუთითებს რეგიონული მედიის მძიმე მდგომარეობასა და ინფორმაციის თავისუფლების შეზღუდვაზე.
ასევე, ქვეყნის ისტორიაში პირველად, არჩევნებს საია, „სამართლიანი არჩევნები“ და „საერთაშორისო გამჭვირვალობა – საქართველო“ არ აკვირდებიან. ექსპერტების თქმით, ეს გარემოება სერიოზულ ეჭვს აჩენს პროცესის გამჭვირვალობასა და სანდოობაზე.
არჩევნების პარალელურად, დღეს თბილისში მასშტაბური საპროტესტო აქციაა დაანონსებული, რომელსაც რეგიონებიდან, მათ შორის აჭარიდანაც, უერთდებიან მოქალაქეები.
