ბათუმის მუნიციპალური ტრანსპორტის სამარშრუტო ქსელს 10 ერთეული ახალი, 12-მეტრიანი მუნიციპალური ავტობუსი შეემატა. ინფორმაციას ამის შესახებ შპს „ბათუმის ავტოტრანსპორტი“ ავრცელებს.
მათივე ცნობით, ახალი ავტობუსები №16 მარშრუტს მოემსახურებიან და შემდეგი სქემით იმოძრავებენ: ცაბაძის ქუჩა – სევერიანე აჭარელის ქუჩა – წერეთლის ქუჩა – ჭავჭავაძის ქუჩა – აბუსერიძის ქუჩა – აეროპორტის გზატკეცილი – აფსაროსის ქუჩა – ანდრია პირველწოდებულის ქუჩა – სარფი.
კომპანიის ინფორმაციით, ავტობუსები 100-ზე მეტ მგზავრზეა გათვლილი, ადაპტირებულია შეზღუდული შესაძლებლობის მქონე პირებისთვის და სრულად შეესაბამება თანამედროვე სტანდარტებს.
„ბათუმის ავტოტრანსპორტში“ აცხადებენ, რომ ახალი ავტობუსების დამატება მგზავრთა მომსახურების ხარისხის გაუმჯობესებასა და მუნიციპალური ტრანსპორტის ხელმისაწვდომობის ზრდას შეუწყობს ხელს.
დაკავშირებული თემები ⇓
ბათუმში მიკროავტობუსებით მგზავრობა გაძვირდა
რუსული და „ქურდული“ სიმღერების ჩართვის გამო ბათუმის ავტობუსებიდან მაგნიტოფონები ამოიღეს
ბათუმში მიკროავტობუსებით მგზავრობა გაძვირდა
