ბეშუმში სახალხო დღესასწაული “შუამთობა” გაიმართა. მთაში, ადგილობრივი და მოწვეული ჯგუფების მონაწილეობით კონცერტი გაიმართა.
ღონისძიების ფარგლებში მოეწყო სპორტული აქტივობები და გამოიფინა ხელნაკეთი ნივთები.
ტრადიციულად, გაიმართა იმიტირებული ნიშნობის ცერემონია. წყვილს პრემიერმა ძვირფასეულობა აჩუქა.
სახალხო დღესასწაულს ადგილობრივი და ცენტრალური მთავრობის წარმომადგენლები ესწრებოდნენ.
პრემიერმა და აჭარის მთავრობის თავმჯდომარემ მიღწევებზე ისაუბრეს და ხულო-ზარზმის დამაკავშირებელი გზის რეაბილიტაციის დასრულების პირობა კიდევ ერთხელ დადეს. მათი თქმით, მოასფალტება წლის ბოლომდე დასრულდება.
“მაღალმთიანი აჭარის პერსპექტივა და პოტენციალი განსაკუთრებულია. დღეს შეგვიძლია ძალიან მხრებში გაშლილი, ძალიან თამამად, კიდევ ერთხელ გითხრათ, რომ ჩვენს მთას, იმ მთებს, იმ ხალხს აქვს უდიდესი პოტენციალი, რომ კიდევ უფრო დიდი წვლილი შეიტანოს ჩვენი ქვეყნის განვითარებაში, ძლიერებაში და მის ერთიანობაში. ის, რომ ამდენი დღის შემდეგ ცოტა დაგვიგვიანდა, მაგრამ დღეს ვინც ამობრძანდით ყველამ კარგად ნახეთ, რომ ყველა სიტყვა, რაც ეხებოდა ჩვენი მთის პერსპექტივას, გოდერძის განვითარებას, ბეშუმის განვითარებას, ხულოს განვითარებას, შუახევის, ქედის და მთლიანად აჭარის განვითარებას ყველა სიტყვა შესრულებულია და ღა თქმა უნდა, ბოლომდე იქნება შესრულებული. ჩვენ ძალიან კარგად ვიცით, რომ მთას და მთის ხალხს სჭირდება განსაკუთრებული მოფერება, გვერდში დგომა, იმიტომ, რომ ეს ორმხრივია. თქვენი გვერდში დგომა კიდევ უფრო მეტად გვაძლიერებს, რომ ბევრი საქვეყნო საქმე გავაკეთოთ ერთობლივად. და ძალიან გვახარებს, რომ მაღალმთიან აჭარაში, ამ წლების განმავლობაში განსაკუთრებით, ყველა ის საქმე, რომელიც დავგეგმეთ გეგმის შესაბამისად ბოლომდე მიგვყავს. მიგვყავს ბოლომდე გაზიფიცირება, მიგვყავს ახალი ტურისტული ლოკაციების შექმნა, ახალი გზების მშენებლობა, ხულო-ზარზმის გზის მშენებლობა, რომელსაც ყველა ასე ელოდით თვის ბოლომდე იქნება დასრულებული,”- განაცხადა თორნიკე რიჟვაძემ ღონისძიებაზე.
