“გონიო” ლიგა სამის ჩემპიონია

„ფეხბურთის კლუბი გონიო“ (FC Gonio) საქართველოს ეროვნული ლიგა სამის ჩემპიონი გახდა და ეროვნული ლიგა ორის საგზური მოიპოვა.

14 ნოემბერს, „FC Gonio“ ლიგა სამის 27-ე ტურში „გარდაბანს“ დაუპირისპირდა და მატჩი 5 – 0 მოიგო. „გონიოს” მხრიდან თავი გამოიჩინეს, კახა კახაბრიშვილმა რომელმაც ჰეთ-რიკი ( გოლები: 39-ე, 85-ე და 90-ე წუთზე) შეასრულა და ტატო აბუსელიძემ, რომლის ანგარიშზეც დუბლია, 45+2-ე და 63-ე წუთზე გატანილი გოლებით.

„გარდაბანთან“ მოგებული მატჩი „ფ/კ გონიომ“ ლიგა სამის ჩემპიონობა, სამი ტურით ადრე გაიფორმა. მომავალი წლიდან „FC Gonio“ საქართველოს ეროვნული ლიგა ორ-ში ითამაშებს.

ავტორი: დიმიტრი გორგილაძე