ბათუმში, მაიაკოვსკისა და სვიშევსკის ქუჩებს შორის არსებული ხიდის კონსტრუქციული ნაწილის დაზიანების გამო, სატრანსპორტო მოძრაობა დროებით შეიზღუდა.
როგორც ბათუმის მერიაში აცხადებენ, ამ ეტაპზე მიმდინარეობს ხიდის სტრუქტურული მდგრადობის შესწავლა და აღდგენითი სამუშაოების დაგეგმვა შესაბამისი სამსახურების ჩართულობით.
დაზიანებულ ხიდთან დაკავშირებული ვითარებიდან გამომდინარე, შეიცვალა მუნიციპალური ტრანსპორტის მოძრაობის მარშრუტები:
- N1 მარშრუტი გადაადგილდება სევერიან აჭარელის, გოგოლის, ნონეშვილის, შინდისის და სვიშევსკის ქუჩებით. მოძრაობა ორივე მიმართულებით იგივე რჩება.
- N1ა და N4 მარშრუტები გადაადგილდებიან სევერიან აჭარელისა და მაიაკოვსკის ქუჩებით. მოძრაობის მიმართულება აქაც უცვლელია.
სატრანსპორტო შეზღუდვები, არსებული მდგომარეობის მიხედვით, სამ თვემდე ვადით გაგრძელდება.
