“აჭარა თაიმსის” ინფორმაციით, ბათუმში ერთი პირი დაჭრეს. შემთხვევა ტაბიძის ქუჩაზე, პოლიციის განყოფილების წინ მოხდა.
დაჭრას წინ, როგორც თვითმხილველები ამბობენ ურთიერთშელაპარაკება უძღვოდა. ბრალდებულმა ცეცხლსასროლი იარაღიდან ათამდე გაისროლა.
დაჭრილი სასწრაფო სამედიცინო დახმარების ჯგუფმა კლინიკაში გადაიყვანა. ექიმების თქმით, პაციენტს ხუთი ტყვია აქვს მოხვედრილი და მისი ჯანმრთელობის მდგომარეობა სტაბილურად მძიმეა. კაცი რეანიმაციულ განყოფილებაშია მოთავსებული.
შინაგან საქმეთა სამინისტრომ მომხდარ ფაქტზე გამოძიება სისხლის სამართლის კოდექსის ორი მუხლით დაიწყო. პირველადი ინფორმაციით დაკავებულია ერთი პირი.
