ბათუმის შემოვლით გზაზე მომხდარი ავტოსაგზაო შემთხვევა მსხვერპლით დასრულდა.
„აჭარა თაიმსის“ ინფორმაციით, ერთმანეთს ორი მსუბუქი ავტომობილი შეეჯახა, შედეგად ერთი ადამიანი ადგილზე დაიღუპა, ხოლო ერთი დაშავდა. დაშავებული სამედიცინო დაწესებულებაში გადაიყვანეს.
შინაგან საქმეთა სამინისტრომ გამოძიება საქართველოს სისხლის სამართლის კოდექსის 276-ე მუხლის მე-6 ნაწილით დაიწყო, რაც სატრანსპორტო მოძრაობის ან ექსპლუატაციის წესების დარღვევას გულისხმობს, რამაც ადამიანის სიცოცხლის მოსპობა გამოიწვია.
