„დინამო ბათუმის“ წაუგებელი სერია გრძელდება. „თოლიებმა“ ეროვნული ლიგის მეშვიდე ტურში, „თელავს“ დაუპირისპირდნენ და მეტოქეს 2 – 0 აჯობეს. შეხვედრის ანგარიში 45-ე წუთზე, ლუკა ქაფიანიძემ (დინამო ბათუმი) გახსნა. მატჩის მე-60-ე წუთზე, მეტოქის კარის აღება ჯანელ ბლესამ მოახერხა.
„თელავისა“ და „დინამო ბათუმის“ შეხვედრა ბათუმში, „აჭარაბეთ არენაზე“ გაიმართა. შვიდი ტურის შემდეგ, სატურნირო ცხრილში, „ბათუმელები“ 15 ქულით მეორე ადგილზე არიან და ეროვნული ლიგის ლიდერს, „იბერია – 1999“-ს, მხოლოდ ორი ქულით ჩამორჩებიან. „დინამო ბათუმი“ ეროვნული ლიგის მერვე ტურის მატჩს, 14 აპრილს, „სამგურალის“ წინააღმდეგ გამართავს.
ავტორი: დიმიტრი გორგილაძე
თუ „აჭარა თაიმსის“ მასალებს იყენებთ, აუცილებელია წყაროსა და ბმულის მითითება. გთხოვთ, მასალის გადაბეჭდვის შემთხვევაში გაითვალისწინეთ ვალდებულება!
