ბათუმის სხვადასხვა ქუჩაზე ხშირად შეხვდებით ქალს, რომელსაც საქართველოსა და უკრაინის დროშები აქვს და საპროტესტო ბანერით გადაადგილდება.
დარიკო საკუთარი ერთკაციანი პროტესტით რუსეთის მოქალაქეებს ახსენებს, რომ ისინი იმ ქვეყანაში იმყოფებიან, რომლის ტერიტორიების ნაწილი რუსეთის მიერ არის ოკუპირებული.
დარიკო ჩიტაძე ამბობს, რომ მისი მთავარი მიზანი რუსებისთვის დისკომფორტის შექმნაა.
„მინდა, ყველგან იგრძნონ, რომ აქ ოკუპაცია არავის დავიწყებია. რუსებმა ყველა ნაბიჯზე უნდა იგრძნონ დისკომფორტი,“ – ამბობს დარიკო.
მის ბანერზე განთავსებული გზავნილები ბათუმის ქუჩებში როგორც ადგილობრივების, ისე ტურისტების ყურადღებას იპყრობს. პროტესტის ფორმად მან მშვიდობიანი, ინდივიდუალური აქცია აირჩია.
დარიკოს თქმით, საქართველოსა და უკრაინის დროშები მისთვის საერთო ბრძოლის სიმბოლოა. ის მიიჩნევს, რომ რუსეთის მოქალაქეებმა უნდა იცოდნენ, რა შედეგები მოიტანა მათმა პოლიტიკამ ორივე ქვეყნისთვის.
არასდროს ყოფილა ევროპაში, მაგრამ ევროპისთვის იბრძვის – პენსიონერი, რომელმაც ცხოვრება პროტესტს დაუთმო
