„დინამო ბათუმმა“, ლვოვის „კარპატისთან“ მატჩი 1 – 6 დათმო. „თოლიებისთვის“ პრესტიჟის გოლის გატანა, 21-ე წუთზე ჯაფარიძემ შეძლო. ხარატიშვილის კარში, დუბლი კრასნოპირიმ (მეხუთე და 49-ე წუთზე) და კოსტენკომ (59-ე და 80-ე წუთზე) გაიტანეს.
23-ე წუთზე, „ბათუმელების“ კარი, შახიმ აიღო. თამაშის საბოლოო ანგარიში 85-ე წუთზე, ტანდამ დააფიქსირა. როგორც იცით, „დინამო ბათუმი“ თურქეთში საწვრთნელო შეკრებაზე იმყოფება. შეკრების ფარგლებში, გიორგი ჭიაბრიშვილის გუნდმა ზედიზედ, მეხუთე ამხანაგურ შეხვედრაში წააგო.
მომდევნო ამხანაგურ მატჩს, „თოლიები“ ცხრა თებერვალს, „რფს“-ის წინააღმდეგ გამართავენ.
ავტორი: დიმიტრი გორგილაძე
