„დინამო ბათუმი“ ეროვნული ლიგის მე-18 ტურის მატჩში „ქუთაისის ტორპედოს“ დაუპირისპირდა და შეხვედრა ანგარიშით 3:2 მოიგო. „თოლიების“ შემადგენლობიდან დუბლი დმიტრი მანდრიჩენკომ შეასრულა – 22-ე და 26-ე წუთებზე, ხოლო მესამე და გამარჯვების გოლი მატჩის 53-ე წუთზე უედრი მარამ გაიტანა.
„ქუთაისელთა“ მხრიდან გოლები 43-ე წუთზე ბუკიამ, ხოლო 60-ე წუთზე არაბიძემ გაიტანეს. „დინამო ბათუმი“ ეროვნული ლიგის მომდევნო მატჩს 23 ივნისს გამართავს – მე-19 ტურში თბილისში „დინამოების დერბი“ გაიმართება.
ავტორი: დიმიტრი გორგილაძე
