ქობულეთში, კომახიძის ქუჩაზე, საცხოვრებელ სახლს ცეცხლი გაუჩნდა. სახლში ხანდაზმული ქალი ცხოვრობდა.
პირველადი ინფორმაციით, ხანძრის გამომწვევი მიზეზი ელექტროსადენების აალება გახდა. ცეცხლი ხის კონსტრუქციის ერთსართულიანი სახლის სამზარეულოში გავრცელდა, რამაც დააზიანა ოთახი და სხვენის ნაწილი.
როგორც საგანგებო სიტუაციების მართვის სამსახურში „აჭარა თაიმსს“ განუცხადეს, ადგილზე სახანძრო-სამაშველო ჯგუფები გამოიძახეს. მიმდინარეობს კერების ლიკვიდაცია.
შემთხვევის შედეგად არავინ დაშავებულა. სახლში მცხოვრებ ხანდაზმულ ქალს ადგილზე სასწრაფო სამედიცინო დახმარება აღმოუჩინეს. მის სიცოცხლესა და ჯანმრთელობას საფრთხე არ ემუქრება.
