“ნაციონალური მოძრაობა” “ქართულ ოცნებას” დებატებში იწვევს, ამის შესახებ ბრიფინგზე ნიკა ქაშიბაძემ განაცხადა.
პარტიის წარმომადგენლის თქმით, მოსახლეობისთვის მნიშვნელოვნია მოისმინოს ყველა სუბიექტის პროგრამა.
“ვინაიდან ცოტა დრო რჩება არჩევნებამდე, მოვუწოდებთ საზოგადოებრივ მაუწყებელს – აჭარის ტელევიზიას დაიგეგმოს დებატები როგორც საპარლამენტო ასევე უმაღლესი საბჭოს კანდიდატების მონაწილეობით ცალ-ცალკე.
საპარლამეტო დებატებში ვიწვევთ:
– პარლამენტის გაჩუმებულ დეპუტატს ანზორ ბოლქვაძეს, რომელსაც ბონდო თედორაძე აჩვენებს როგორი უნდა იყოს პარლამენტარი,– ვიწვევთ აჩიკო ბერიძეს, რომელიც დღემდე სადღეგრძელოებით შემოიფარგლება, მას ლევან ანთაძე აუხსნის რა არის მნიშვნელოვანი ბათუმისთვის, გაგვცეს პასუხი იღებს თუ არა პასუხისმგებლობას რუსულ კანონზე და მის შედეგებზე.
– ასევე მოვუწოდებთ თორნიკე რიჟვაძეს გაბედოს და დებატებში დაუჯდეს ელგუჯა ბაგრატიონს,” – განაცხადა ბრიფინგზე ნიკა ქაშიბაძემ.
