ბათუმის მუნიციპალური ინსპექციის წარმომადგენლებმა პიროტექნიკის რეალიზატორებს ის აკრძალვები გააცნეს, რასაც კანონი ითვალისწინებს. იმ შემთხვევაში თუ ბავშვებს პიროტექნიკას მიჰყიდიან ფიზიკურ პირს 100 ლარით, ხოლო იურიდიულს 200-ით დააჯარიმებენ. განმეორებით ქმედება ჯარიმის გაორმაგებას ითვალისწინებს.
გაფრთხილების მიუხედავად, საზოგადოების დიდ ნაწილს მიაჩნია, რომ პიროტექნიკის რეალიზაცია მკაცრად არ კონტროლდება, რასაც ზოგიერთ შემთხვევაში სავალალო შედეგები მოაქვს. საქართველოში დადგენილ ნორმებთან შეუსაბამო და დაბალი ხარისხის ასაფეთქებელი ნივთიერებები შემოდის, რაც მოქალაქეების, მათ შორის არასრულწლოვნების დაზიანებას იწვევეს.
ინფორმაციისთვის, 2023 წლის 28 მარტს საქართველოს პარლამენტში ინიცირებულ იქნა კანონპროექტი, რომლის თანახმადაც პიროტექნიკის ყიდვა-გაყიდვა, ფლობა და გამოყენება მკაცრი რეგულაციების ქვეშ ექცეოდა. თუმცა, პროექტი ჯერაც არ არის განხილული პარლამენტის მიერ.
მოქალაქეები მეორე წელია პიროტექნიკის აკრძალვას პეტიციის გზით უშედეგოდ ითხოვენ.
