ვლადიმერ ჟირინოვსკის სახელობის მშენებარე საკრუიზო გემის მარშრუტში ბათუმიც შევა, ამის შესახებ რუსული მედიასაშუალებები იტყობინებიან. მათი ინფორმაციით, ოთხსართულიანი გემი ასტრახანში შენდება და ის ექსპლუატაციაში 2024 წელს შევა.
ახალი ლაინერის მარშრუტების სიაში შედის შავი ზღვის ქალაქები: სოჭი, ნოვოროსია, ბათუმი და სტამბული.
ინფორმაციისთვის: რუსული საკრუიზო ლაინერების ბათუმში შემოსვლას საპროტესტო აქციებით დახვდნენ. ოკუპანტებს ლაინერიდან ჩამოსვლა და ქალაქის დათვალიერება პროტესტის ფონზე მოუწიათ, რის გამოც ტერორისტული სახელმწიფოს ლაინერების საქართველოში ვიზიტი შეწყდა.
პოლიციამ პროტესტის მონაწილე ათეულობით პირი დააკავა, ზოგი კი დააჯარიმა.
